နွေဦးဆရာအတတ်ပညာတက္ကသိုလ်တွင် အပတ်စဥ်ပြုလုပ်သွားမယ့် ‘အင်္ဂလိပ်ဘာသာစကားကလပ်’ English Language Club (ELC) အစီအစဥ် Round II ကို မကြာခင် စတင်တော့မယ့်အကြောင်း ဝမ်းမြောက်ဝမ်းသာစွာအသိပေးကြေညာလိုက်ပါတယ်။
ELC ဟာ နွေဦးဆရာအတတ်ပညာတက္ကသိုလ်မှာ ပညာသင်ယူဆည်းပူးလျှက်ရှိသည့် ကျောင်းသူ၊ ကျောင်းသားများအတွက် ပျော်စရာကောင်းသော အင်္ဂလိပ်ဘာသာစကားဂိမ်းများနှင့် အခြားလုပ်ဆောင်မှုများမှ တဆင့် ၎င်းတို့၏ အင်္ဂလိပ်စကားပြောနှင့်ပတ်သက်သည့် ကျွမ်းကျင်မှု၊ ယုံကြည်မှုနှင့် ဆက်သွယ်ဆက်ဆံရေးစွမ်းရည်များ မြှင့်တင်ပေးမည့် အွန်လိုင်းအစီအစဥ်တခုဖြစ်ပါတယ်။ ပုံမှန်သင်တန်းများလို သင်ခန်းစာ(သင်ကြားခြင်း)များမပါဝင်ဘဲ အင်္ဂလိပ်ဘာသာစကားကို သဘာဝကျကျ အပြန်အလှန်မျှဝေကာ သင်ယူလေ့ကျင့်ကာ ရယ်မောအပန်းဖြေနိုင်သည့် အသိုက်အဝန်းတခုကို ဖန်တီးပေးရန်ရည်ရွယ်ပါတယ်။
ဒီကလပ်အစီအစဥ်မှာ အင်္ဂလိပ်ဘာသာစကားစွမ်းရည်ကို တိုးမြှင့်လိုတဲ့ နွေဦးဆရာအတတ်ပညာတက္ကသိုလ်မှ ကျောင်းသူ၊ ကျောင်းသားများအပြင် အခြားတက္ကသိုလ်/ကောလိပ်များ၊ ဖက်ဒရယ်ကျောင်းများနှင့် လူထုအခြေပြုကျောင်းများမှ စိတ်ဝင်စားသူ ကျောင်းသား၊ ကျောင်းသူများ ချိတ်ဆက်ပါဝင်နိုင်ကြပါတယ်။ အင်္ဂလိပ်ဘာသာစကားကို စတင်လေ့လာမယ့်သူတွေပဲဖြစ်ဖြစ် ကိုယ့်ရဲ့ကျွမ်းကျင်မှုတွေကို ပိုမိုကောင်းမွန်အောင် အဆင့်မြှင့်တင်ချင်သူတွေဖြစ်ဖြစ် အခမဲ့ပါဝင်နိုင်တဲ့ ELC ကို အင်္ဂလိပ်ဘာသာစကားစွမ်းရည်အဆင့်မျိုးစုံရှိသူများအား ပံ့ပိုးကူညီရန် ဒီဇိုင်းရေးဆွဲထားပါတယ်။
မှတ်ချက် – အခြားတက္ကသိုလ်/ကောလိပ်များ၊ ဖက်ဒရယ်ကျောင်းများနှင့် လူထုအခြေပြုကျောင်းများမှ စိတ်ဝင်စားသူ ကျောင်းသား၊ ကျောင်းသူများသည် ဤအစီအစဥ်အတွက် စာရင်းပေးသွင်းသည့်အခါ သက်ဆိုင်ရာ တက္ကသိုလ်၊ ကောလိပ် (သို့) ကျောင်း၏ “ထောက်ခံစာ” လိုအပ်ပါတယ်။
နေ့ရက် – ဗုဒ္ဓဟူးနှင့် ကြာသပတေးနေ့များ
အချိန် – မြန်မာစံတော်ချိန် မွန်းလွဲ ၂:၃၀ မှ ၃:၃၀ နာရီထိ
နေရာ – Zoom Cloud Meetings
စာရင်းပေးသွင်းရန် – https://forms.gle/BMZxc2DFdvjm23MY9
ဒီကလပ်အစီအစဥ်ကို စိတ်ဝင်စားတဲ့ ကျောင်းသူ၊ ကျောင်းသားများအနေဖြင့် မတ်လ (၂၁) ရက်နေ့၊ မြန်မာစံတော်ချိန် ည (၁၁:၅၉) နာရီနောက်ဆုံးထားပြီး စာရင်းပေးသွင်းဖို့ အားပေးတိုက်တွန်းပါရစေ။ ရွေးချယ်ခြင်းခံရသည့် ကျောင်းသူ၊ ကျောင်းသားများကို အီးမေးလ်မှ တဆင့် ဆက်သွယ်အကြောင်းကြားပေးသွားမှာဖြစ်ပါတယ်။
